أنظمة تكييف VRF — شركة دراسة وتصميم وتوريد وتركيب في مصر
إدارة هندسية متخصصة تنفذ مشاريع VRF من الألف إلى الياء: حساب أحمال دقيق، تصميم شبكات النحاس وفق بروتوكولات الشركات المصنعة، تنفيذ بإشراف مهندسين، وتشغيل وتسليم بالضمان.
شركة VRF في مصر — إزاي تختار الشركة الصح؟
أي شركة تقدر تشتري وحدات VRF وتركّبها. اللي بيفرق إن نظام VRF مشروع هندسي مش جهاز: لو حساب الأحمال غلط، أو نسبة تجميع الوحدات برّه المدى المسموح، أو الشبكة اتقفلت من غير اختبار ضغط — المشكلة مش هتظهر في اليوم الأول، هتظهر بعد سنة والحل ساعتها بيبقى تكسير. دي المعايير اللي المفروض تسأل عنها أي شركة VRF قبل ما تتعاقد، وإجابتنا على كل واحدة فيها:
1. بتعملوا حساب أحمال حقيقي؟
عندنا إدارة هندسية بتحسب الحمل لكل مساحة على حدة (معامل 300 أو 350 أو 400 وحدة/م³ حسب التعرض للشمس، مع حساب الزجاج والأفراد والتهوية) قبل ما نحدد عدد وقدرات الوحدات. مش تقدير بالمساحة.
2. نسبة تجميع الوحدات في المدى؟
مجموع قدرات الوحدات الداخلية بالنسبة للخارجية لازم يفضل ضمن المدى اللي المصنّع مسموح بيه. تجاوزه معناه ضعف تبريد في الذروة — وده بنحسبه ونكتبه في الدراسة.
3. Heat Pump ولا Heat Recovery؟
الاختيار ده فني مش تجاري، وبيتحدد من طبيعة استخدام المبنى. شركة بتعرض عليك نظام واحد من غير ما تسألك عن استخدام المساحات — دي علامة استفهام.
4. بروتوكول تنفيذ الشبكة
نحاس بالأقطار الصح، لحام بجلبة نحاس أكبر قطر (مش توسيع الماسورة)، عزل مستمر من غير قطع، اختبار ضغط بالنيتروجين الجاف، وتفريغ بالميكرون قبل الشحن — ودي كلها بتتوثّق بالصور.
5. مقايسة تفصيلية ولا رقم إجمالي؟
بنسلّم مقايسة ببنود: الأجهزة، أطوال وأقطار النحاس، العزل، صناديق التحكم، الدكت لو موجود، وأعمال الكهرباء. الرقم الإجمالي من غير بنود مبيسمحلكش تقارن عرضين مقارنة عادلة.
6. مين هيصيّن النظام بعد التسليم؟
VRF محتاج صيانة دورية بفني متخصص. إحنا عندنا فريق صيانة وورشة في أكتوبر وبنعمل عقود صيانة — مش بنسلّم المشروع ونختفي.
شغل حقيقي منفّذ: مقر إداري في District 5، ونادي نقابة المهندسين بالتجمع، ومشاريع فنادق ومحاكم — تقدر تشوفها في صفحة المشاريع. وبنخدم مشاريع VRF في العاصمة الإدارية والشيخ زايد والتجمع الخامس و6 أكتوبر وباقي مناطق الخدمة.
خطوات مشروع VRF لدى الشورى
دراسة الأحمال
حساب الأحمال الحرارية لكل مساحة وفق أسس هندسية لتحديد القدرات المطلوبة بدقة.
التصميم واختيار الوحدات
اختيار الوحدات الداخلية (كاسيت، دكت، حائطي) والخارجية وتوزيعها على المخططات.
شبكات النحاس والعزل
تنفيذ مواسير النحاس بالمقاسات والسماكات المطلوبة والعزل الحراري وفق بروتوكولات المصنّع.
التنفيذ بإشراف هندسي
فرق تنفيذ متخصصة بإشراف مهندسين وتوثيق مراحل العمل حتى التسليم.
الاختبارات والتشغيل
اختبارات الضغط والتسريب ثم الشحن والتشغيل وضبط التحكم لكل مساحة.
الضمان وما بعد البيع
تسليم بالضمان مع خدمة صيانة دورية وقطع غيار لضمان استمرارية التشغيل.
لمن تناسب أنظمة VRF؟
الفلل والقصور
تكييف مركزي أنيق بدون وحدات خارجية متعددة تشوه الواجهة، وتحكم مستقل لكل غرفة.
المباني الإدارية والشركات
كفاءة تشغيل عالية وفواتير كهرباء أقل مع تحكم منفصل لكل مكتب أو قسم.
الفنادق والعيادات والمطاعم
تشغيل هادئ وتوزيع هواء مريح ومرونة كاملة في أوقات تشغيل كل مساحة.
إزاي بيشتغل نظام VRF؟ مكوّنات النظام
VRF اختصار لـ Variable Refrigerant Flow يعني «التدفق المتغيّر لوسيط التبريد». الفكرة ببساطة: بدل ما كل غرفة يكون ليها موتور خارجي مستقل، وحدة خارجية واحدة (أو أكتر) بتغذّي شبكة نحاس واحدة تخدم كل وحدات المبنى، والنظام بيوزّع كمية التبريد على كل وحدة حسب احتياجها الفعلي في اللحظة دي.
الوحدة الخارجية (الكوندنسر)
قلب النظام: ضاغط إنفرتر يغيّر كمية وسيط التبريد المدفوعة حسب الحمل الفعلي لحظة بلحظة، بدل التشغيل والفصل الكامل — وده مصدر توفير الكهرباء الأساسي.
الوحدات الداخلية
كاسيت في السقف، أو دكت مخفي فوق الجبس، أو حائطي، أو أرضي-سقفي. كل وحدة تخدم مساحة وتُختار قدرتها من حساب الأحمال، ولكل وحدة تحكم مستقل.
شبكة النحاس والموزّعات
مواسير نحاس بأقطار محسوبة من الكتالوج، مع موزّعات (Refnet) تقسّم المسار على الوحدات الداخلية. المواصفة المعتمدة لدينا: نحاس جنوب أفريقي أو سويدي.
العزل الحراري
عزل Armaflex على كامل مسار المواسير لمنع فقد التبريد وتكوّن التكثيف داخل الأسقف والحوائط — بند لا يقبل التوفير لأنه سبب رئيسي لتنقيط المياه لاحقًا.
كابل التحكم
كابل تحكم بالمقطع اللي يحدده موديول المصنّع (7×1 مم في الحالات المعتادة) يربط الوحدات الداخلية بالخارجية وبلوحة التحكم المركزية. أي خلل في مسار التحكم يظهر كأكواد أعطال عند التشغيل.
اعتماد التصميم من المصنّع (Submission)
بنصمم شبكة المواسير بالكامل، وبنرفعها للمصنّع وناخد اعتماد رسمي (Submission) عليها. وبعد الاعتماد بس بيبدأ التركيب — عشان الأقطار والأطوال والموزّعات تبقى مطابقة لمتطلبات المصنّع والضمان محفوظ.
المصنّع جهة استشارية للمشروع
سعرنا شامل إن المصنّع يكون جهة استشارية للمشروع، وزيارات الموقع الخاصة به مشمولة — من غير أي تكلفة إضافية على العميل.
وسيط التبريد والشحن الإضافي
موديلات Carrier Mini VRF تعمل بوسيط R410A، وتُحسب شحنة فريون إضافية حسب أطوال وأقطار المواسير الفعلية — وليست رقمًا ثابتًا لكل مشروع.
Heat Pump ولا Heat Recovery؟ الفرق العملي
ده أول قرار تصميمي في أي مشروع VRF، وبيأثر على التكلفة وعلى راحة المستخدم:
نظام Heat Pump (مضخة حرارية)
كل الوحدات الداخلية بتشتغل في نفس الاتجاه: إما الكل تبريد أو الكل تدفئة. مناسب للفلل والشقق والمساحات اللي استخدامها متشابه. تكلفته أقل وتصميمه أبسط.
نظام Heat Recovery (استرجاع حرارة)
يسمح لجزء من الوحدات إنها تبرّد وجزء تاني يدفّي في نفس الوقت، وينقل الحرارة المسحوبة من مساحة لمساحة تانية بدل ما يرميها برّه. مناسب للمباني الإدارية والفنادق اللي فيها واجهات شمس وواجهات ظل، أو غرف سيرفر جنب مكاتب.
إزاي نختار؟
الاختيار مش تفضيل شخصي — بيتحدد من طبيعة الاستخدام وتوجيه الواجهات وساعات التشغيل لكل مساحة. الإدارة الهندسية بتحدده بعد دراسة المخططات والمعاينة، وبيتكتب صراحة في العرض.
حساب الأحمال ونسبة التجميع (Combination Ratio)
أكتر سببين لفشل مشروع VRF هما: قدرات مش مدروسة، أو تجاوز حدود التجميع المسموح بيها من المصنّع. إحنا بنشتغل بأسس مكتوبة مش بالتقدير:
معامل الحمل الحراري
الحمل يُحسب من الطول في العرض في الارتفاع في معامل: 300 وحدة حرارية للمتر المكعب في الحالة العادية، 350 للدور الأخير أو الواجهة المعرّضة للشمس، و400 فأكثر للحالات العالية.
أحمال الزجاج والأشخاص
الزجاج العادي من 500 إلى 700 وات للمتر المربع، والدابل جلاس أو العاكس من 250 إلى 400. ويُضاف حمل الأشخاص بمعدل 85 وحدة حرارية للفرد في الساعة.
نسبة التجميع 50% إلى 130%
في أنظمة VRF وVRV، مجموع قدرات الوحدات الداخلية لازم يبقى في نطاق من 50% إلى 130% من قدرة الوحدة الخارجية. تجاوز النطاق ده بيقلّل الأداء الفعلي وبيعرّض الضمان للسقوط — والحساب بيتم بالقدرة التبريدية بالكيلوواط (kW) من كتالوج الموديل — مش بأرقام الحصان.وبنلتزم بيه في الكوتيشن نفسه.
قاعدة الجانب الآمن
سياستنا الهندسية: ممنوع تقليل السعات لتقليل السعر. الجهاز الأصغر من الحمل بيشتغل باستمرار من غير ما يبرّد، وبيستهلك كهربا أكتر وعمره أقصر.
تهوية المطبخ والمساحات الخاصة
المطابخ والمطاعم ليها حساب منفصل للتهوية (عدد تغييرات الهواء في الساعة) وحمل الهواء الطازج — وبيتحسب مع حمل التكييف مش بعيد عنه.
المخرجات النهائية للدراسة
جدول أحمال لكل مساحة، قدرة ونوع كل وحدة داخلية، اختيار الوحدة الخارجية، مسار الشبكة وأقطار المواسير، وحصر كامل للمواد — قبل ما يتقال أي رقم للتكلفة.
بروتوكول التنفيذ والاختبار المعتمد
دي الخطوات اللي بنمشي عليها في كل مشروع VRF، وهي نفسها اللي بتحمي الضمان وتمنع مشاكل ما بعد التشغيل:
اختبار الضغط بالنيتروجين الجاف
الاختبار بيتم بنيتروجين جاف فقط ولمدة محددة — ممنوع الاختبار بالهواء المضغوط لأنه بيدخل رطوبة وزيت في الشبكة ويتلف الضاغط لاحقًا.
التفريغ بالميكرون
بعد نجاح الاختبار، تفريغ الشبكة بمضخة فاكيوم مع جهاز قياس بالميكرون للتأكد من خروج الهواء والرطوبة تمامًا قبل الشحن.
سياسة اللحام
الوصلات بجلبة نحاس بقطر أكبر، وممنوع توسيع الماسورة (Swaging) لعمل الوصلة — لأنها بتضعف الجدار وبتسبّب تسريب بعد شهور من التشغيل.
التوثيق المصوّر قبل الغلق
تصوير مسار المواسير والعزل والتوصيلات قبل تغطيتها بالجبس أو المحارة، وحفظ الصور في ملف المشروع — عشان أي صيانة مستقبلية تبقى معروفة المسار.
الشحن والتشغيل والضبط
شحن الوسيط بالكمية المحسوبة مع الإضافي حسب الأطوال، ثم تشغيل تجريبي وضبط التحكم لكل مساحة والتأكد من عدم وجود أكواد أعطال.
التسليم والضمان
تسليم بمحضر ورسومات As-Built. الضمان بيبدأ بعد اعتماد الشورى لاستلام التنفيذ، ونوع ومدة الضمان بيتكتبوا صراحة في العقد حسب الشركة المصنّعة.
VRF ولا سبليت ولا تشيلر ولا DX؟ جدول المقارنة
مفيش نظام «أحسن» بشكل مطلق — فيه نظام مناسب للمشروع ونظام غير مناسب. الجدول ده بيلخّص الفرق العملي:
| البند | سبليت | VRF | تشيلر | وحدات DX مركزية |
|---|---|---|---|---|
| المشروع المناسب | شقة أو غرفة مفردة | فيلا، مبنى إداري، فندق، عيادة | مول، مستشفى، مصنع، برج | مطعم، محل، صالة كبيرة |
| عدد الوحدات الخارجية | وحدة خارجية لكل جهاز | وحدة واحدة أو أكتر تخدم المبنى كله | محطة تبريد مركزية | وحدة مكثّف واحدة لكل نظام |
| شكل الواجهة | وحدات كتير على الواجهة | أنظف شكل ممكن | لا يوجد وحدات على الواجهة | وحدة كبيرة في السطح غالبًا |
| التحكم | لكل جهاز على حدة | تحكم مستقل لكل مساحة مع تحكم مركزي | تحكم مركزي بالمناطق | تحكم للنظام ككل |
| استهلاك الكهرباء | متوسط، يعتمد على نوع الضاغط | الأعلى كفاءة عند التحميل الجزئي | اقتصادي في الأحمال الكبيرة جدًا | متوسط |
| تكلفة التأسيس | الأقل | أعلى من السبليت، أقل من التشيلر | الأعلى ويحتاج غرفة ماكينات | متوسطة وتحتاج شبكة دكت |
| الصيانة | بسيطة ولكل جهاز | دورية بعقد وبفني متخصص | طاقم تشغيل متخصص | دورية مع تنظيف الدكت |
لو محتار بين نظامين، الإدارة الهندسية بتعمل مقارنة فنية واقتصادية للحالتين قبل ما تختار.
تختار النظام الأول… وبعدين نوع الوحدة الداخلية
دي نقطة بتتخلط كتير: VRF نظام، والكونسيلد والكاسيت والحائطي أنواع وحدات داخلية بتشتغل على النظام. يعني السؤال الصح مش «VRF ولا دكت؟» — السؤال هو: أنهي نظام يناسب المبنى، وبعدين أنهي وحدة داخلية تناسب كل مساحة جواه.
كونسيلد / دكت مخفي
بيتخفي في السقف الساقط وبيوزّع الهوا بفتحات — أنضف شكل وأهدأ صوت، ومناسب للريسبشن والغرف الرئيسية. بيحتاج ارتفاع سقف كافي ومسار دكت متخطط من الأول.
كاسيت سقفي
بيتركب في السقف وبيوزّع الهوا في 4 اتجاهات — مناسب للمساحات المربعة الواسعة والمحلات والمكاتب المفتوحة.
حائطي
أرخص وأسرع في التركيب ومناسب لغرف النوم والمساحات الصغيرة. بيشتغل على السبليت/DX وعلى VRF.
في المشروع الواحد بنخلط الأنواع: كونسيلد للريسبشن، حائطي أو كاسيت للغرف — كلهم على نفس الوحدة الخارجية وبتحكم مستقل لكل غرفة.
إيه اللي بيحدد تكلفة مشروع VRF؟
مفيش سعر ثابت لمتر أو لحصان في مشاريع VRF، لأن التكلفة بتتكوّن من بنود مختلفة. دي البنود اللي بنحسبها في أي عرض سعر — وبنكتبها صريحة عشان تعرف بتدفع في إيه:
الأجهزة نفسها
عدد وقدرات الوحدات الداخلية ونوعها (كاسيت أو دكت أو حائطي)، وقدرة ونوع الوحدة الخارجية، والماركة والموديل.
نوع النظام
Heat Pump أرخص من Heat Recovery لأن الأخير محتاج صناديق تحكم إضافية ومسار مواسير مختلف.
شبكة النحاس
أطوال المواسير وأقطارها وعدد الموزّعات وفروق المناسيب بين الوحدات — كل ما المسافات زادت، زادت التكلفة والشحنة الإضافية.
أعمال الصاج والدكت
لو النظام دكت مخفي، يُضاف الصاج المجلفن والعزل والفتحات. الصاج بيتسعّر بالمتر الطولي وكل فيتنج (كوع أو مسلوب) بيتحسب بمتر.
بنود خارج سعر المتر
بنود بتتحسب إضافي وبتتكتب صريحة في العرض: المولد، السقالات، فتحات الكور، التكسير والترميم، المواسير البلاستيك الأرضية، والفليكسبل.
العرض بعد المعاينة
أي عرض قبل المعاينة بيبقى مبدئي وقابل للتعديل. الرقم النهائي بيتحدد بعد معاينة الموقع ومراجعة المخططات.
6 أخطاء شائعة بتضيّع مشاريع VRF
1. تقليل السعات عشان السعر
أشهر خطأ: جهاز أصغر من الحمل. النتيجة تشغيل مستمر بدون تبريد كافي، فاتورة كهربا أعلى، وعمر أقصر للضاغط.
2. تجاوز نسبة التجميع
تحميل وحدات داخلية أكتر من النطاق المسموح على الوحدة الخارجية — بيقلل الأداء الفعلي وبيسقط الضمان.
3. الاختبار بالهواء بدل النيتروجين
الهواء المضغوط بيدخل رطوبة وزيت في الشبكة. الضرر مش بيظهر فورًا، بيظهر بعد شهور في صورة عطل ضاغط.
4. عزل ناقص أو غير مستمر
أي جزء غير معزول في المواسير بيعمل تكثيف وتنقيط مياه جوه الجبس أو السقف — وإصلاحه بعد التشطيب بيتكلف أضعاف تكلفة العزل.
5. الغلق قبل التوثيق
تغطية المواسير بالمحارة أو الجبس من غير تصوير المسار بيخلّي أي صيانة مستقبلية عملية تخمين وتكسير.
6. إهمال الشحنة الإضافية
طول الشبكة بيستلزم فريون إضافي محسوب. إهماله بيخلّي النظام يشتغل ناقص شحنة ويقلّل التبريد ويجهد الضاغط.
مناطق الخدمة
ننفذ مشاريع VRF والتكييف المركزي في 6 أكتوبر والشيخ زايد وحدائق أكتوبر والقاهرة والتجمع الخامس والعاصمة الإدارية والشروق والعبور والعاشر من رمضان والسادات، وصولًا إلى الإسكندرية وطنطا والمنصورة الجديدة ودمياط الجديدة والعلمين الجديدة والساحل الشمالي.
روابط مفيدة
اقرأ أكتر عن أنظمة VRF والتكييف المركزي
دليل اختيار النظام: VRF ولا تشيلر ولا دكت؟
مقارنة عملية بين VRF والتشيلر ووحدات DX والدكت المخفي: كل نظام مناسب لأنهي مشروع، وإيه الفرق في التكلفة والكهربا والصيانة وغرفة الماكينات — وإزاي تختا
تكلفة نظام VRF: البنود اللي بتحدد السعر
ليه مفيش سعر ثابت لنظام VRF؟ شرح واضح لبنود التكلفة: الأجهزة، نوع النظام، شبكة النحاس، الصاج، الشحنة الإضافية، والبنود المستثناة اللي بتتحسب إضافي — و
تأسيس مواسير VRF خطوة بخطوة
دليل تأسيس شبكة VRF قبل التشطيب: أقطار النحاس والتثبيت، العزل المستمر، اللحام الصح، اختبار الضغط بالنيتروجين الجاف، التفريغ بالميكرون، والتوثيق المصوّ
7 أخطاء بتضيّع مشروع VRF
أشهر الأخطاء اللي بتضيّع مشاريع VRF: تقليل السعات، تجاوز نسبة التجميع، الاختبار بالهواء، العزل الناقص، إهمال الشحنة الإضافية، ومكان الوحدة الخارجية —
صيانة VRF: الجدول الدوري والأعطال الشائعة
دليل صيانة أنظمة VRF: إيه اللي بيتعمل كل 3 و6 و12 شهر، أشهر الأعطال (تبريد ضعيف، أكواد أعطال، تنقيط مياه، ضوضاء) وأسبابها الحقيقية، وإمتى العطل بيرجع
Heat Pump ولا Heat Recovery؟
شرح مبسط للفرق بين نظام VRF بمضخة حرارية (Heat Pump) ونظام استرجاع الحرارة (Heat Recovery): إمتى كل واحد بيوفر فعلاً، وليه الفرق بيبان في المباني الإد
بتدوّر على VRF كارير تحديدًا؟
إحنا الوكيل الحصري لكارير. صفحة مخصصة بتشرح تشكيلة كارير ومداها (XCT7 من 4 لـ26 حصان، وحتى 104 حصان بالمنظومة)، و Heat Pump مقابل Heat Recovery، ونسبة التجميع، وبروتوكول التنفيذ.
أنظمة VRF كاريركل منتجات كاريرأسئلة شائعة
ما هو نظام VRF؟
VRF (التدفق المتغير لوسيط التبريد) هو نظام تكييف مركزي حديث: وحدة خارجية واحدة تغذي عدة وحدات داخلية بتحكم مستقل في كل غرفة، بكفاءة عالية في استهلاك الكهرباء ومرونة كبيرة في التصميم.
ما الفرق بين VRF والتكييف السبليت؟
السبليت يخدم غرفة واحدة بوحدة خارجية لكل جهاز، بينما VRF يخدم المبنى كله بوحدة خارجية واحدة أو أكثر مع تحكم مستقل لكل مساحة — ما يعني واجهة أنظف وكفاءة أعلى وتشغيلًا أهدأ للمشاريع والفلل الكبيرة.
هل يناسب VRF الفلل والشركات؟
نعم — الشورى تعتبره الخيار الأمثل للفلل الكبيرة والمباني الإدارية والفنادق والعيادات والمطاعم، حيث تتفاوت أوقات التشغيل بين المساحات ويهم شكل الواجهة وتوفير الكهرباء.
كيف أبدأ مشروع VRF مع الشورى؟
اطلب عرض سعر هندسي من موقع الشورى: تقوم الإدارة ا الإدارة الهندسية بدراسة المخططات وحساب الأحمال وإعداد عرض مفصل بالتصميم والتوريد والتركيب — الدراسة مجانية.
ما الفرق بين VRF و VRV؟
الاتنين نفس التقنية. VRV علامة تجارية مسجلة لشركة معينة، و VRF هو المسمى الفني العام المستخدم لباقي الشركات المصنّعة. فنيًا بتشتغل بنفس المبدأ: تدفق متغيّر لوسيط التبريد.
هل VRF بيوفر في الكهرباء فعلاً؟
أيوه، والسبب إنه بيشتغل بضاغط إنفرتر يغيّر تدفقه حسب الحمل الفعلي بدل التشغيل والفصل الكامل، وبيغذّي المساحات المستخدمة بس. التوفير الحقيقي بيظهر أكتر في المباني اللي مش كل مساحاتها شغالة طول الوقت.
كام وحدة داخلية ينفع أركّبهم على وحدة خارجية واحدة؟
العدد مش رقم ثابت — بيتحدد بنسبة التجميع المسموح بيها من المصنّع (من 50% إلى 130% من قدرة الوحدة الخارجية في أنظمة VRF وVRV) وبأطوال الشبكة وفروق المناسيب.
هل ينفع أركّب VRF في شقة عادية؟
ينفع فنيًا، لكن غالبًا مش اقتصادي. VRF بيبان فرقه في الفلل والأدوار المتعددة والمباني الإدارية. للشقة العادية، السبليت أو الكونسيلد بيكونوا أنسب من ناحية التكلفة.
قد إيه بياخد تنفيذ مشروع VRF؟
المدة بتتحدد من حجم المشروع ومرحلته: التأسيس بيتم على مرحلتين (شبكة قبل التشطيب، وتركيب الأجهزة بعده)، وبيتحط جدول زمني بالمراحل في العرض بعد المعاينة.
هل بتعملوا صيانة للأنظمة اللي مش من تركيبكم؟
أيوه، الشورى بتقدّم صيانة وعقود دورية لأنظمة VRF القائمة بعد معاينة فنية لتقييم حالة الشبكة والوحدات، وبنوضّح أي ملاحظات على التنفيذ السابق قبل التعاقد.
الوكيل الحصري لكارير وميديا وBVN
الأجهزة اللي بنركّبها بتيجي من مخزننا: جديدة أصلية برقم تسلسلي مسجَّل باسمك، بضمان الوكيل المعتمد، وبتركيب على أصول المصنّع — يعني الضمان بيفضل ساري ومسؤولية ما بعد البيع علينا.
بنخدم منطقتك؟
مقرنا ومخزننا وورشتنا في 6 أكتوبر، وبنخدم منها المناطق دي بمواعيد مؤكدة قبل الزيارة. اضغط على منطقتك تشوف تفاصيل الشغل فيها.
شوف أحدث مشاريعنا وأعمالنا أول بأول
كل تركيب وكل تأسيس بنصوّره وننزّله على صفحاتنا — اتفرج على شغلنا الحقيقي في مواقع زي بتاعك قبل ما تتصل.
تكييف VRF في الحي اللاتيني بالعلمين الجديدة
واجهات موحّدة + وحدات متشطبة + هوا مالح = مشروع VRF له قواعد خاصة. لو وحدتك في الحي اللاتيني، صفحة كاملة بخطوات التنفيذ وبنود المقايسة والقدرات التقديرية.
اعرف التفاصيلتكييف العلمين الجديدةأنظمة VRF حسب منطقتك
لكل منطقة بنخدمها صفحة VRF مستقلة فيها طبيعة المباني هناك، والتحديات الفنية المحلية (أتربة، ملوحة، أسقف عالية، اشتراطات كمبوندات)، وأنواع المشاريع اللي بننفّذها، وأسئلة شائعة تخص المنطقة. اختار منطقتك:
مكتبة VRF — كل اللي محتاج تعرفه عن الأنظمة المركزية
26 دليل مكتوب من واقع تنفيذنا في مصر — من اختيار النظام وحساباته الهندسية، لمقارنة العروض والتعاقد، للتنفيذ والتسليم والصيانة والأعطال. كله مجاني ومن غير تسجيل.
من مشاريعنا المنفّذة
صور من مشاريع تجارية نفّذتها الشورى — التنفيذ الفعلي مش صور كتالوج.
منشأتك من أي نوع؟
لكل نشاط حساب مختلف — مطعم غير مصنع غير فندق غير نادي. شوف صفحة قطاعك للتفاصيل الهندسية والمشاكل الشائعة.
مطاعممصانعفنادقنوادي وجيممستشفيات وعياداتمولات ومحلاتقاعات ومساجدكل القطاعات