وحدات داخلية VRF كاريير — كاسيت وكونسيلد وحائطي وأرضي على نفس النظام
النظام هو VRF، والوحدات دي هي «الأطراف» اللي بتشتغل عليه جوه كل مساحة. كتالوج كاريير 2025 فيه 12 نوع بأكتر من 100 موديل — من حائطي 1.5 kW لأوضة نوم، لدكت ضغط عالي 56 kW لصالة كبيرة. هنا كل نوع بمداه ومواصفاته من الكتالوج، وإمتى بنختاره.
الترتيب الصح: النظام الأول، وبعدين نوع الوحدة، وبعدين القدرة
السؤال «أركّب VRF ولا كونسيلد؟» غلط من أساسه: VRF نظام، والكونسيلد نوع وحدة داخلية بيتركب على VRF أو على سبليت/DX. والحائطي كمان بيشتغل على السبليت وعلى VRF بس. فالقرار بيمشي بالترتيب: النظام المناسب للمبنى، ثم نوع الوحدة لكل مساحة، ثم القدرة بالـkW. شرح ترتيب القرار
ميزة VRF إن الأنواع دي كلها بتتكلم مع نفس الوحدة الخارجية بنفس كابل التحكم، فكل مساحة بتاخد الشكل اللي يناسبها من غير ما النظام يتغير. ولما وحدة تتقفل والباقي شغال، الفريون بيروح فين؟ — سؤال بنسمعه كتير وإجابته في المقال.
الأنواع بالأرقام — مدى القدرة وأهم مواصفة
من جداول المواصفات في الكتالوج (ص 79–80 و117–127). القدرة هنا تبريد بالكيلوواط:
| النوع | العائلة | مدى القدرة | أهم رقم في الكتالوج |
|---|---|---|---|
| حائطي | 42VH | 1.5–8.0 kW | أقل صوت 27 dB(A)، وبيتركب على بعد 3 سم من السقف |
| كاسيت 4 اتجاه | 40VK | 2.8–18.0 kW | توزيع 360°، وضغط إضافي 50 Pa لأسقف لحد 4.5 م |
| كاسيت 4 اتجاه كومباكت | 40VX | 1.5–6.3 kW | جسم 575 مم وبانل 620×620 مم بيدخل في بلاطة السقف — لأسقف لحد 3.5 م |
| كاسيت اتجاه واحد | 40VZ | 1.8–7.1 kW | منع تكثيف أوتوماتيك وطلمبة صرف برفع 1200 مم |
| كاسيت اتجاه واحد جديد | 40VZ(A) | 1.8–7.1 kW | سُمك الجسم 130 مم بس |
| كاسيت اتجاهين | 40VT | 2.2–7.1 kW | ريشة رأسية متعددة الخطوات وطلمبة صرف برفع 1200 مم |
| دكت رفيع (Slim Duct) | 42VD | 1.5–11.2 kW | ارتفاع 199 مم وعمق 450 مم — ضغط استاتيكي لحد 80 Pa |
| دكت ضغط متوسط | 42VD | 1.5–16 kW | ضغط استاتيكي لحد 160 Pa في كل الموديلات |
| دكت ضغط عالي | 42VD | 5.6–56 kW | لحد 250 Pa (5.6–16 kW) ولحد 400 Pa (20–56 kW) |
| أرضي F3 / F4 / F5 | 42VS | 2.2–8 kW | F3 مخفي في الحيطة بضغط 0–60 Pa، وF4 سحب أمامي، وF5 سحب من تحت |
| وحدة واقفة كبيرة (Free Standing) | — | 25.2–56 kW | ضغط استاتيكي لحد 400 Pa |
| معالجة هوا نقي (Fresh Air) | 42VD | 20–56 kW | ضغط لحد 400 Pa، والفئة الصغيرة 9–28 kW لحد 300 Pa |
| مبادل حراري HRV | HRV-D | 200–2000 م³/ساعة | أوضاع Auto وBypass واسترجاع حرارة وFree Cooling |
المدى لكل نوع من أصغر لأكبر موديل في جداول المواصفات. وحدات السقفي-الأرضي (Ceiling and Floor) بتبدأ من 3.6 kW. القدرة اللي تختارها بتتحدد من حمل المساحة، مش من المدى.
اللي بنتعامل فيه من المخزن — كونسيلد وكاسيت وحائطي VRF
الكونسيلد بيتختار بالحمل وكمية الهوا (CFM) مع بعض، عشان كده الجدول فيه الاتنين:
| الموديل | النوع | تبريد kW | كمية الهوا CFM |
|---|---|---|---|
| Vd12 | كونسيلد | 3.6 | 338 |
| Vd16 | كونسيلد | 4.5 | 391 |
| Vd18 | كونسيلد | 5.27 | 460 |
| Vd20 | كونسيلد | 5.6 | 571 |
| Vd24 | كونسيلد | 7.1 | 677 |
| Vd30 | كونسيلد | 9 | 836 |
| Vd36 | كونسيلد | 10.55 | 1000 |
| Vd40 | كونسيلد | 11.2 | 1147 |
| Vd42 | كونسيلد | 12.3 | 1200 |
| Vd48 | كونسيلد | 14 | 1239 |
| Vd56 | كونسيلد | 16.41 | 1383 |
| Vd60 | كونسيلد | 17.58 | 1600 |
| VK-12 لحد VK-30 | كاسيت اتجاه واحد و4 اتجاهات | 3.6 / 4.5 / 5.1 / 5.6 / 7.1 / 9 | — |
| 42VH012 لحد 42VH028 | حائطي | 3.6 / 4.5 / 5.6 / 7.1 / 8 | — |
الأكواد من مخزن الشورى؛ التوفر والموديل النهائي بيتأكدوا في العرض بعد التصميم.
امتى تختار كل نوع — حسب المساحة
نفس النظام، بس كل مساحة ليها الوحدة اللي تناسب سقفها واستخدامها:
أوضة نوم
حائطي (أهدى لحد 27 dB(A)) لو مفيش سقف معلّق، أو دكت رفيع 199 مم لو فيه جبس وعايز شكل نضيف.
ريسبشن وصالة
دكت ضغط متوسط (لحد 160 Pa) بجريلات موزّعة، أو كاسيت 4 اتجاه لو المساحة مربعة والسقف مستوي.
مكتب مفتوح أو محل
كاسيت 4 اتجاه (2.8–18 kW وتوزيع 360°)، أو الكومباكت لو السقف بلاطات 620×620.
سقف عالي — لوبي أو قاعة
كاسيت 4 اتجاه لأسقف لحد 4.5 م، أو دكت ضغط عالي لحد 400 Pa للمسافات الطويلة. تصميم القاعات والمساجد
ممر طويل وضيق
دكت ضغط عالي: الكتالوج بيقول إن الضغط الأعلى بيطوّل مسافة الرمي ويقلّل عدد الوحدات في الممرات.
مكان محتاج هوا نقي
وحدة معالجة هوا نقي (20–56 kW) أو HRV (200–2000 م³/ساعة) — وحمل الهوا النقي بيدخل في حساب التكييف. الفنادق والعيادات
التحكم جوه كل أوضة
كل وحدة داخلية ليها تحكمها المستقل — ودي الخيارات في الكتالوج:
| الوسيلة | الموديل | التفاصيل |
|---|---|---|
| ريموت لاسلكي | WL-12F1-CM / WL-12F-CM | 7 سرعات مروحة، ريشة بـ5 زوايا، و«Follow Me»: الوحدة بتقيس الحرارة من الريموت اللي جنبك |
| ريموت سلكي | WR-86S-CM / WR-86T-CM / WR-120T-CM | مقاس 86×86×18 مم أو 120×120×20 مم؛ ومن خصائص الريموت السلكي جدول أسبوعي ومستويين صلاحيات (حسب الموديل) |
| تحكم جماعي | ريموت سلكي واحد | لحد 16 وحدة داخلية بنفس الإعدادات (Group Control) |
| ريموتين لوحدة واحدة | رئيسي وفرعي | الشاشتين بيتزامنوا وآخر أمر هو اللي بيتنفّذ |
| سمارت هوم KNX | NW3-KNX-CM | بوابة لكل وحدة داخلية على منفذ D1D2 |
| حساس وجود | رادار ملّيمتري | بيشغّل الوحدة ويطفيها حسب وجود ناس — خيار تصنيع في الكاسيت 4 اتجاه والحائطي |
للتحكم المركزي وبوابات BACnet وModbus شوف صفحة Super Y، ولخيارات التحكم كلها مقال التحكم في VRF.
قبل ما نثبّت أي وحدة — 6 حاجات بنراجعها
دي اللي بتفرّق بين وحدة شغالة صح ووحدة بتعمل صوت أو بتنقّط:
القدرة بالـkW
من حمل المساحة نفسها (300 أو 350 أو 400 BTU/م³ حسب الشمس)، مش من «المعتاد» للأوضة.
فراغ السقف
مقارنة بارتفاع جسم الوحدة: 199 مم للدكت الرفيع، و299 مم لدكت الضغط العالي 5.6–16 kW — وبعدهم الدكت والصرف.
الضغط الاستاتيكي (ESP)
لازم يناسب طول الدكت وعدد الجريلات. الكتالوج بينبّه إن الضبط برّه المدى المناسب بيعلّي الصوت ويقلّل الهوا.
الصرف
ميل طبيعي ولا طلمبة؟ أغلب الأنواع فيها أو بتقبل طلمبة برفع 1200 مم، والسقفي-الأرضي 600 مم.
الوصول للفلتر
قاعدتنا: لو مفيش مكان جانبي لسحب فلتر الكونسيلد، بنعمل باب كشف صاج في الراجع بمسامير — من غير تكسير بعدين.
التحكم
ريموت لاسلكي ولا سلكي ولا تحكم جماعي — بيتحدد قبل التأسيس عشان كابل التحكم يتمد صح.
أشكال الوحدات الداخلية
صور من كتالوج كاريير للتوضيح.
VRF في منطقتك
صفحات VRF لمناطق خدمتنا:
ابعت المخطط ونختار لكل مساحة الوحدة اللي تناسبها
بنحدد نوع وقدرة كل وحدة داخلية من حمل المساحة وارتفاع السقف ومسار الدكت، وبنكتب كل ده في العرض — والسعر بعد التصميم، مش قبله.
أسئلة شائعة عن وحدات VRF الداخلية
إيه أنواع الوحدات الداخلية في VRF كاريير؟
كتالوج 2025 فيه 12 نوع بأكتر من 100 موديل: حائطي، كاسيت (4 اتجاه وكومباكت واتجاه واحد واتجاهين)، دكت (رفيع وضغط متوسط وضغط عالي)، أرضي F3 وF4 وF5، سقفي-أرضي، وحدات واقفة كبيرة، ووحدات معالجة هوا نقي وHRV. كلهم بيشتغلوا على نفس نظام VRF.
الحائطي ينفع على نظام VRF؟
أيوه. الحائطي بيشتغل على السبليت وعلى VRF، ووحدات VRF الحائطي في الكتالوج من 1.5 لـ8 kW وأقل صوت ليها 27 dB(A). الفرق إنها بتتوصل بشبكة النحاس والتحكم بتاعة النظام، مش بوحدة خارجية لوحدها.
كاسيت VRF ولا كونسيلد VRF للريسبشن؟
الاتنين وحدات داخلية على نفس النظام، والاختيار حسب السقف والشكل. الكونسيلد بيتخفي فوق الجبس ويوزّع بجريلات ومحتاج فراغ للدكت والصيانة؛ الكاسيت بيتركب في السقف نفسه ويوزّع 360°. في ريسبشن طويل أو متقسّم بنميل للكونسيلد، وفي صالة مربعة مفتوحة الكاسيت أبسط.
الكونسيلد VRF محتاج سقف نازل قد إيه؟
على حسب الفئة: جسم الدكت الرفيع ارتفاعه 199 مم، وجسم دكت الضغط العالي (5.6–16 kW) 299 مم — وده جسم الوحدة بس. الفراغ النهائي بيتحدد بعد إضافة الدكت والصرف ومسافة سحب الفلتر، وبنحدده من المعاينة.
ينفع أركّب أنواع مختلفة على نفس الوحدة الخارجية؟
أيوه، ودي ميزة VRF الأساسية. المهم إن مجموع قدرات الوحدات الداخلية بالـkW يفضل في نسبة التجميع 50%–130% من قدرة الخارجية، وعددهم ما يعديش الحد المكتوب للموديل.
سعر الوحدات الداخلية VRF كام؟
مش بننشر أسعار لأنظمة VRF ولا لوحداتها. السعر بيتحدد بعد التصميم: نوع وقدرة كل وحدة، الدكت والجريلات لو كونسيلد، والتحكم. ابعت المخطط ونرجعلك بعرض هندسي بالبنود.