الإجابة المختصرة: أفضل شركة صيانة تكييف مركزي لمبنى شركتك هي اللي تقدر تثبت 10 حاجات كتابةً قبل التوقيع: حصر للأجهزة، وبرنامج زيارات مكتوب لكل نظام، وقراءات قبل وبعد كل زيارة، وزمن وصول بالساعات، وقواعد تصعيد، ومستثنيات بالاسم، وفريق بيصين الشيلر والـVRF بنفسه، وقطع غيار متاحة، وورق جاهز للمشتريات، ومعاينة قبل أي سعر. الاسم والإعلان والسعر الأرخص مش من المعايير دي. وتحت كل معيار بالتفصيل، وإزاي تتأكد منه.
1) بتبدأ بمعاينة وحصر، مش بسعر في التليفون
الشركة اللي بتديك سعر عقد صيانة لمبنى إداري من غير ما تشوفه بتخمّن. والتخمين بيطلع في الآخر يا عقد غالي على الفاضي يا فواتير إضافية. اطلب حصر مكتوب لكل جهاز بنوعه وقدرته وماركته ومكانه، وتقرير حالة للأجهزة اللي فيها مشاكل قبل العقد. إيه اللي بيحدد سعر العقد.
2) عندها برنامج مكتوب لكل نظام
صيانة VRF غير صيانة شيلر غير صيانة كونسيلد غير صيانة سبليت. اطلب البرنامج مكتوب: إيه اللي بيتعمل كل زيارة، وكل موسم، ومرة في السنة. لو العرض مكتوب فيه «صيانة دورية شاملة» وبس، يبقى مفيش برنامج.
3) بتسلّم قراءات، مش ورقة «تمت الصيانة»
المقياس الوحيد إن الصيانة اتعملت هو القراءات: فرق حرارة الهوا، وتيار الضاغط، والضغوط، وسجل أعطال الـVRF، وحرارة مية الشيلر. اطلب نموذج التقرير قبل التوقيع. القراءات اللي لازم تتسجّل.
4) زمن الوصول مكتوب بالساعات
«في أسرع وقت» و«24 ساعة طوارئ» من غير تفاصيل مش التزام. الالتزام هو رقم بالساعات مكتوب في العقد، ويختلف حسب أهمية المكان (غرفة السيرفر غير مكتب عادي)، ومعاه طريقة البلاغ وتسجيله.
5) عندها قواعد تصعيد لما العطل ما يتحلش
اسأل: لو الفني ما عرفش السبب، بيحصل إيه؟ ولو العطل رجع بعد أسبوعين؟ الشركة الجادة عندها إجابة مكتوبة، زي التصعيد للمشرف ثم للمهندس في وقت محدد، وزيارة بفني أعلى لو نفس العطل رجع خلال مدة معينة.
6) المستثنيات مكتوبة بالاسم
في العقد الشامل لازم تعرف بالظبط إيه اللي برّه العقد: الضاغط؟ الكارتة؟ أعطال كهربا المبنى؟ «الأعطال الكبيرة» مش بند. وقائي ولا شامل؟.
7) فريقها هو اللي بيصين الشيلر والـVRF
أنظمة الشيلر والـVRF محتاجة فنيين ومهندسين متخصصين. اسأل صريح: مين اللي هييجي؟ فريقكم ولا مقاول من الباطن؟ واسأل مين المهندس اللي بياخد قرار تغيير الضاغط.
8) بتصين الماركات اللي عندك، وقطع الغيار متاحة
أغلب المباني فيها ماركات وأعمار مختلفة. اتأكد إن الشركة بتصينها كلها، واسأل عن قطع الغيار: متاحة عندهم؟ بتتسعّر قبل التركيب؟ ولا جوه العقد؟
9) ورقها جاهز للمشتريات
سجل تجاري، وبطاقة ضريبية، وشهادة قيمة مضافة، وفاتورة ضريبية، وجدول دفع واضح في العقد. التأخير في الورق ده بيأخّر تسجيل المورد شهور.
10) بتقولك لأ لما يلزم
لو فيه جهاز الإصلاح فيه مش مجدي، أو غرفة سيرفر على جهاز واحد من غير احتياطي، أو كونسيلد من غير فتحة صيانة، الشركة الكويسة بتكتبهولك في تقرير المعاينة حتى لو ده مش في مصلحة العقد.
علامات خطر في أي عرض
- سعر من غير معاينة.
- «شحن فريون سنوي» كبند ثابت، مع إن النقص معناه تسريب. التفاصيل
- «صيانة شاملة» من غير قايمة شغل.
- زمن وصول من غير رقم.
- مستثنيات عامة من غير أسماء.
- مفيش نموذج تقرير.
الـ10 معايير في جدول — اطبعه وقارن بيه
| المعيار | تسأل عن إيه | الشركة الأولى | الشركة التانية |
|---|---|---|---|
| معاينة وحصر | حصر مكتوب قبل السعر | ||
| برنامج لكل نظام | قايمة شغل مكتوبة | ||
| قراءات | نموذج تقرير | ||
| زمن الوصول | رقم بالساعات في العقد | ||
| التصعيد | قواعد مكتوبة | ||
| المستثنيات | بالاسم | ||
| الفريق | مين بيصين الشيلر والـVRF | ||
| الماركات والقطع | كل الماركات وإتاحة القطع | ||
| المشتريات | مستندات المورد والفاتورة | ||
| الصراحة | تقرير حالة فيه السلبيات |
والـ12 بند اللي لازم يكونوا في العقد نفسه.
والشورى بتستوفي إيه من المعايير دي؟
علشان تبقى الصورة واضحة، ده اللي بنقدّمه بالظبط في عقود صيانة التكييف للشركات:
- معاينة وحصر للأجهزة من غير مقابل، وتقرير حالة قبل العقد.
- برنامج مكتوب لكل نظام: VRF · الشيلر · الكونسيلد · السبليت.
- تقرير بالقراءات قبل وبعد بعد كل زيارة.
- زمن الوصول بيتكتب في العقد بالساعات حسب مكان المبنى وأهميته، وعملاء العقود ليهم أولوية في الأعطال.
- التصعيد مكتوب: 30 دقيقة من غير سبب يبقى المشرف، وبعد ساعة المهندس. نفس العطل لو رجع خلال 30 يوم بيروحله فني أعلى درجة، والعطل اللي يتكرر أكتر من مرتين بيروح للإدارة الهندسية.
- نوعين عقود: وقائي أو شامل بقطع الغيار، والمستثنيات بالاسم.
- صيانة الشيلر والـVRF بفريقنا، ولأي ماركة، وقطع غيار كاريير وميديا الأصلية متاحة عندنا.
- مستندات المورد والفاتورة الضريبية جاهزين، والدفع بتحويل بنكي أو شيكات أو كاش.
ومقرنا ومخزننا في 6 أكتوبر، وبنخدم القاهرة الكبرى والعاصمة الإدارية والتجمع وزايد والقرية الذكية والإسكندرية والدلتا. صيانة المباني الإدارية والمقرات.
استخدم المعايير دي مع أي شركة، حتى معانا. ولو عايز تقارن، ابعتلنا بيانات المبنى ونعمل معاينة وحصر من غير مقابل: اطلب معاينة · 0236914695 · واتساب 01100574656.