وحدات DX المركزية (DX)

وحدات DX المركزية — الباكدج والدكت

وحدات DX المركزية بتبرّد الهواء مباشرة بوسيط التبريد (Direct Expansion) وبتوزّعه على المساحة من خلال شبكة صاج ودكت. مناسبة للمساحات المفتوحة الكبيرة اللي محتاجة تبريد موحّد: المحلات والمعارض والمطاعم والصالات والمخازن وبعض المصانع.

قوتها إنها حل مباشر وأقل تعقيدًا من التشيلر وأقل تكلفة تأسيس منه، وضعفها إن التحكم بيكون للنظام ككل مش لكل مساحة على حدة. عشان كده لما يكون مطلوب تحكم منفصل لكل غرفة أو مكتب، بيبقى VRF هو الترشيح الأنسب.

• التصميم بيشمل شبكة الصاج المجلفن والعزل وفتحات التوزيع والراجع — ومكان الراجع بيحدد راحة التوزيع في المساحة.
• المواصفة عندنا: صاج مجلفن بوزن طلاء 275 جرام للمتر المربع كحد أدنى، ويُسعّر بالمتر الطولي مع احتساب كل كوع أو مسلوب بمتر.
• المطاعم والمطابخ محتاجة حساب منفصل للشفط والهواء الطازج (من 10 إلى 15 تغيير هواء في الساعة) — التبريد لوحده مش كفاية.
• الوحدات الكبيرة بتحتاج تغذية كهربائية 3 فاز 380 فولت، ولازم ده يتأكد قبل التعاقد.

التكييف المركزي   أعمال الدكت والصاج   أنظمة VRF   اطلب عرض سعر هندسي