الإجابة المختصرة: الـCFM (قدم مكعب في الدقيقة) والـm³/h (متر مكعب في الساعة) الاتنين بيقيسوا نفس الحاجة: كمية الهوا اللي المروحة بتحرّكها. اضرب الـCFM في 1.7 يطلع متر مكعب في الساعة، واقسم المتر المكعب على 1.7 يطلع CFM. الشفاطات الصغيرة مكتوب عليها غالبًا m³/h، والمراوح الكبيرة CFM — فلازم توحّد الرقم قبل ما تقارن.
جدول من CFM لمتر مكعب في الساعة
| CFM | م³/س (تقريبًا) | مثال من اللي عندنا |
|---|---|---|
| 200 | 340 | شفاط حائطي |
| 450 | 765 | مروحة سطح صغيرة |
| 1,320 | 2,240 | مروحة سطح |
| 1,500 | 2,550 | مروحة سطح |
| 4,000 | 6,800 | مروحة فريش بالبوكس |
| 5,000 | 8,500 | مروحة إكزوست بالبوكس |
| 11,000 | 18,700 | مروحة سطح كبيرة |
وجدول بالعكس: من متر مكعب في الساعة لـCFM
| م³/س | CFM (تقريبًا) | مثال |
|---|---|---|
| 100 | 59 | شفاط حمام صغير |
| 190 | 112 | شفاط بلت إن 5 بوصة |
| 300 | 177 | شفاط بلت إن 6 بوصة |
| 420 | 247 | بلاور بطيخة 6 بوصة |
| 870 | 512 | بلاور بطيخة 8 بوصة |
| 1,150 | 677 | بلاور بطيخة 10 بوصة |
| 2,620 | 1,542 | بلاور بطيخة 14 بوصة |
| 7,200 | 4,238 | مروحة محورية |
أرقام البلاورات من كتالوج BVN، والجدول الكامل في صفحة البلاورات.
طيب أنا محتاج كام؟
احسب حجم المكان بالمتر (طول × عرض × ارتفاع)، واضربه في عدد مرات تغيير الهوا في الساعة المناسب للنشاط. مثال: أوضة 4 × 3 × 3 متر = 36 متر مكعب. لو المطلوب 8 مرات في الساعة: 36 × 8 = 288 م³/س، يعني حوالي 170 CFM. عدد المرات بيختلف من حمام لمطبخ لمخزن — والمهندس بيحدده حسب النشاط.
ليه مروحتين بنفس الـCFM مش زي بعض
لأن الـCFM نص المعلومة. النص التاني هو الضغط: المروحة تقدر تزق الهوا ده قدام مقاومة قد إيه. الشفاط المحوري بيدّي هوا كتير وضغط قليل، والبلاور بيدّي ضغط أعلى. فلما تقارن عرضين، اسأل على الاتنين: كمية الهوا وعلى أنهي ضغط. الفرق بين النوعين في الشفاط ولا البلاور، وأنواع الشفاطات في شفاطات الإكزوست.
الأسعار المحدّثة للأصناف المتاحة في صفحة أسعار الشفاطات والبلاورات.